Um Tøkum Lætt
Tá ið limir í dansifelagnum Fótatraðk í Keypmannahavn fluttu heimaftur, hildu teir seg síggja ein tørv á einum nýggjum dansifelag í Havn. Hesi tóku stig til at stovna felagið.
At tørvurin var stórur, vísti tað skjótt vaksandi limatalið.
Í fyrstu nevnd felagsins sótu Poul Geert Hansen, formaður, Mariann Hansen, kassameistari og Marjun Nielsen, skrivari.
Dansifelagið Tøkum Lætt var stovnað 7. novembur 1993.
Í nevndini eru 3 limir: Andreas Sigurstein, formaður, Jóna Jiménez, skrivari og Ólavur Lydersen tók við sum kassameistari í 2022, aftaná at Randi Olsen takkaði fyri seg aftaná 24 ár í nevndini.
Eykalimir eru: Bergar Poulsen, Einar Martin Jacobsen og Annleyg Patursson.
Í Veitslunevndini eru Lona Poulsen, Annika Maritudóttir, Elsy Joensen og Poula Debes.
Umboð felagsins í Sláið Ring er Andreas Sigurstein, Eykaumboð er Ólavur Lydersen.
Heimstaður felagsins er Tórshavn, og endamálið er at menna tann føroyska dansin. Øll kunnu gerast limir í felagnum.
Í løtuni eru uml. 200 limir, og limagjaldið er 200,00 kr. fyri støk og 300,00 kr. fyri pør.
Ársaðalfundurin er sambært lógini í september ella oktober mánaði.
Dansað verður annaðhvørt sunnukvøld í Skansastovu, Djóni í Geilgøtu 1 frá kl. 19.30. Øll eru vælkomin.
Vit kvøða bæði vísur og kvæði, sum nógv fólk kenna, men dentur verður eisini lagdur á at læra seg onnur kvæði. Sí annars skránna.
Barnadansurin byrjar eftir heystfrítíðina. Dansað verður í Skansastovu sunnukvøld kl. 18.30 - 19.30
Um tú vilt seta teg í samband við Tøkum Lætt, kanst tú senda t-post til: ajs@olivant.fo
Lóg fyri Tøkum Lætt
§ 1
Navn felagsins er Tøkum Lætt, og heimstaður tess er Tórshavn. Endamálið er at menna tann føroyska dansin. Øll kunnu gerast limir í felagnum.
§ 2
Felagið hevur eina trímannanevnd, sum skipar seg sjálva við formanni, skrivara og kassameistara. Valskeiðið er 2 ár. Líka ár standa 2 limir fyri vali, ólika ár stendur 1 limur fyri vali. 3 tiltakslimir og 2 grannskoðarar skulu veljast hvørt ár.
§ 3
Hægsti myndugleiki felagsins er aðalfundurin, ið verður hildin í september/oktober mánaði. Eykaaðalfundur verður hildin, tá ið ein samd nevnd ynskir tað, ella minst 25 limir krevja tað. Fundurin skal lýsast minst tvær vikur áðrenn við hesi skrá:
- Val av orðstýrara og fundarskrivara
- Formansfrágreiðing um virksemi felagsins farna ári
- Góðkenning av grannskoðaðum roknskapi
- Viðgerð av innkomnum málum
- Ásetan av limagjaldi
- Val av nevnd og tiltakslimum
- Val av grannskoðarum
- Val av umboði til Sláið Ring og val av veitslunevnd
- Ymiskt
§ 4
Felagið verður avtikið, um ¾ av limum felagsins ynskja tað. Ognir felagsins skulu tá vera nýttar til at menna tann føroyska dansin.
Samstundis sum henda lóg kemur í gildi, fer verandi lóg fyri Tøkum Lætt úr gildi.
Soleiðis samtykt á ársaðalfundi 20. september 1998.