Grani bar gullið av heiði...

Tað er í umbúna at skipa fyri einum dansikvøldi, har teir tríggir høvuðstættirnir í Sjúrðarkvæðunum skulu kvøðast; talan er um Regin smið, Brynhildartátt og Høgna tátt. 

Tað er Sláið Ring, ið skipar fyri dansikvøldinum,  og eftir ætlan verður tað seinast í januar 2024. Tað eru sostatt smáir 5 mánaðir til dansikvøldið verður. Tað er tí høvi hjá fólki at lesa uppá hesi kvæðini og á tann hátt fyrireika seg til kvøldið. 

Hetta er eisini ætlað sum eitt hugnakvøld, har steðgað verður millum kvæðini, og okkurt verður til matna. 

Kvæðini, sum skulu kvøðast, verða øll løgd á heimasíðuna hjá Tøkum Lætt

Meira verður at frætta um hetta tiltakið sum frálíður. 

"Frænir eitur ormurin

á Glitrarheiði liggur;

Regin, hann er góður smiður,

fáum er hann dyggur."