Frásagnir og hugleiðingar

Í gjárkvøldið vóru vit í Miðvági og dansaðu saman við Vága Dansifelag. Hetta var í Beitishúsinum, ið var barnaheimið hjá Mikkjali á Ryggi. Mikkjal hevur yrkt fleiri kvæði, men eisini sálmar og sangir. Uttan fyri Beitishúsini stendur standmynd av Mikkjali, og í heystarlotinum í gjárkvøldið gekk eg stillisliga fram við henni, meðan tankarnir leitaðu aftur til kvæði og sangir, ið hann hevur yrkt.

Tað var ikki bara við trøllini í Hornalondum, Ólavur kongur bardist. Eisini í Føroyum bardist hann við trøll. Í Gásadali eru uppi í homrunum steinar, ið nevndir eru Garparnir; søgnin sigur, at allir vóru trøll, sum Ólavur kongur umskapaði til steinar.

Tað rennur ein á fyri handan garð,

í ánni er erji og síl –