Føroyskur dansur í Reinsarínum 2. jólakvøld
Latið inn hevur Jóna Maria hin Hós, 22/12/2016 - 16:07
Fyrr var 2. jólakvøld hæddarpunktið hjá tí føroyska dansinum bæði í bygd og í bý. Tá var tað soleiðis, at nakrar bygdir vóru jólabygdir og aðrar vóru nýggjársbygdir, og fólk vitjaðu hvønn annan hesi høgtíðskvøld. Vegir og tunlar vóru ongir tá, so fólk løgdu nógv fyri.
Tey gingu yvir fjøll ella róðu millum bygdir. Nógvar søgur eru fortaldar um minniligar túrar, har fólk kundu liggja veðurføst í fleiri dagar.
Tøkum Lætt hevur øll 23 árini, síðani tað varð stovnað, haft dans 2. jólakvøld,
tey fyrstu árini í Sjónleikarahúsinum og seinni í Skansastovu. Í fjør royndu vit fyri fyrstu ferð í Reinsarínum, og tað eydnaðist sera væl. Nú var 2. jólakvøld í fjør eitt leygarkvøld, so tað lá væl fyri! Í ár bjóðar Tøkum Lætt øllum í almennan dans í Reinsarínum 2. Jólakvøld.
Byrjað verður kl. 22, ókeypis atgongd.
- Rita inn ella skráset teg til at gera viðmerkingar