Nevndin

Síðsta dansikvøld kunnaði formaðurin um tiltøk sum liggja fyri framman. Har vóru so mong tiltøk, at vit hugsaðu, at best var at skriva tey inn her!

Góðu limir

Ársaðalfundur okkara varð hildin í Skansastovu  tann 28. september og hampuligt av fólki  møtti upp til fundin.

Í nevndini var eingin broyting: Andreas, Jóna og Annleyg halda áfram. Eykanevndin , sum er Roar og Hildur og Bergar, og veitslunevndin, sum er Elsy, Lona og Poula blivu einini tær somu.

Grannskoðararnir eru Roar Olsen og Bjarni Rasmussen. Og umboð okkara í Sláið Ring er Andreas og eyka umboð er Annleyg.

Vit eru boðin í ársveitslu hjá Leikum Fagurt tann 8. november. Vit melda til við at flyta 150 kr á kto 9181 4482370 í Betri, seinasti møguleiki at tekna seg er sunnukvøldið 2. november

Nú kvøldini gerast myrk og long fer føroyski dansurin aftur í sving.

Felagið Tøkum Lætt bjóðar øllum áhugaðum at vera við.

Miðað verður ímóti at hava skránna so fjøltáttaða sum møguligt við styttri vísum og tættum aftrat teimum longu kvæðunum.

Leygarkvøldið 4. okt. er dansinátt í Kvívík, sum byrjar kl. 21,30. Í samband við dansin bjóðar Tøkum lætt sínum limun turran fisk, spik (ella smør:) og epli kl. 19 í Skansastovu. Sjálvandi fáa vit eisini okkurt at drekka afturvið:) Bussurin koyrir frá Skansastovu kl. 21. Neyðugt er at tekna seg sum skjótast her á limasíðuni ella ringið ella smsa á tlf 214242, 515152, 506151

Aðalfundur okkara verður sunnukvøldið tann 28. september kl. 20 í Skansastova. Skrá sambart lógum felagsins. Dansað verður aftaná.
Nevndin