Landsdansistevnan fyri børn er tann 18. apríl í Havn. Í tí sambandi verður barnadansur komandi sunnukvøld kl. 18,30 í Skansastovu. Vit fara at venja kvæði, sum vit ætla at kvøða til stevnuna, tað er Risin og Kellingin, sum Bergljót av Skarði  hevur yrkt. Enn er tíð at tekna seg, tekningarlistin liggur frammi.

Hetta er so næstseinasta dansikvøld á hesum sinni. Vónandi er eitt sindur av orku eftir, aftaná eina avbera góða dansinátt í Hornahúsinum:)

BARNADANSUR Í TØKUM LÆTT SUNNUDAGIN 18. JANUAR KL. 18,30

Síðsta dansikvøld kunnaði formaðurin um tiltøk sum liggja fyri framman. Har vóru so mong tiltøk, at vit hugsaðu, at best var at skriva tey inn her!

Góðu limir

Ársaðalfundur okkara varð hildin í Skansastovu  tann 28. september og hampuligt av fólki  møtti upp til fundin.

Í nevndini var eingin broyting: Andreas, Jóna og Annleyg halda áfram. Eykanevndin , sum er Roar og Hildur og Bergar, og veitslunevndin, sum er Elsy, Lona og Poula blivu einini tær somu.

Grannskoðararnir eru Roar Olsen og Bjarni Rasmussen. Og umboð okkara í Sláið Ring er Andreas og eyka umboð er Annleyg.