Nevndin

Vit vóru ein deiligan túr á Eiði síðsta vikuskifti, og tað var, sum altíð, ein stór succes:)  Av tí sama var ikki dansað síðsta sunnukvøld.

Góðu tit, vit fara enn einaferð at biðja tykkum senda okkum teldupostadressu tykkara. Tað er ongantíð ordiliga eydnast fyrr, men nú fara vit av álvara at gera nakað við tað, tí tá verður bæði lættari og smidligari at samskifta.

Síðsta sunnukvøld var sera góður dansur, rímiliga nógv fólk møttu bæði í vaksna og barnadansin, hóast ringa veðrið.

Nú nærkast okkara 13. kvølds dansur og fyrireikingarnar eru nógvar. Leygardagin 4. januar kl. 14 møtast vit í Sjónleikarahúsinum, tá hava vit brúk fyri bæði kvinnum og monnum at smyrja breyð og seta borð upp. Um vit eru líka nógv sum onnur ár, so plaga vit at orna alt uppá umleið ein tíma.

Nú hava somikið av fólki hava teknað seg til dansikvøldið í Dali, at vit máttu leiga ein stóran buss. So nú er nokk av plássi í bussinum:), og tit, sum hava hug at koma við, eru vælkomin. Bussurin koyrir frá rennibreytini kl. 18.

Almennur nýggjársdansur verður í Dali 01.01.2025 kl. 19.00 – 01:00.

Føroyski dansurin 2. jólakvøld á Reinsarínum var sera væl vitjaður. Har streymaði fólk til alt kvøldið, og har vóru fleiri góður skiparir, og dansurin gekk so lystiliga til langt út á náttina. Tað var eisini hugaligt at síggja at tað var ein góð blanding av bæði ungum og tilkomnum. Vit í Tøkum lætt eru sera takksom fyri, at so nógv fólk stuðla tiltakinum og vísa føroyska dansinum áhuga:)