Tórshavn 11. 10. 2014

Góðu limir

Ársaðalfundur okkara varð hildin í Skansastovu  tann 3. oktober og væl av fólki var møtt.

Randi og Jóna stóðu fyri vali og vóru afturvaldar. Nevndin er sostatt tann sama, við Andreasi sum formanni, Randi kassameistara og Jónu skrivara.

Eykanevnd, veitslunevnd, grannskoðarar og umboð okkara í Sláið Ring blivu eisini øll afturvald.

Limagjaldið bleiv tað sama, t.e. 200 kr. fyri støk og 300 kr. fyri pør. Flytast á konto: 445.127.0 í Eik

Fyrst vit eru komin, fara vit at samlast í skúlanum, har vit fáa ein lítlan drekkamunn og samstundis nakað av info um hvat hendir, meðan vit eru á Skúvoynni.

Í samband við Skúvoyarferðina hava vit leigað Jósup at sigla okkum beinleiðis til Skúvoyar leygardagin og heim aftur sunnudagin.

Sum tit flestu vita, eru vit boðin til Skúvoyar tann 14. juni. Vit fara at heita á fólk at melda til so skjótt sum møguligt, tí ein sovorðin túrur skal organiserast væl, bæði av teimum, sum taka ímóti okkum og av okkum sjálvum eisini. Til dømis hava vit ikki enn heilt tikið støðu til, um vit fara vit rutibátinum yvir Sandoynna, ella um vit skulu leiga bát av Gomlu Rætt beinleiðis til Skúvoynna.

Hey tit, nú nærkast kvæðacruisin til Íslands. Vit gleða okkum og vóna at veðrið verður til vildar. Sum tað sær út nú, so verður fínasta veður.

Fleiri hava spurt um útferðir.

Týsdagin 27. verður útferð til Neskaupstað frá kl. 10:30 til 17:00. Kostnaðurin er kr. 195,-.

Mikudagin 28. verður skipað fyri gongutúri á Seyðisfirði við frásøgufólki, kostnaður kr. 85,-. 

Tilmelding er við at venda sær til Smyril Line 34 59 00.

Sunnukvøldið 27 apríl er okkara síðsta dansikvøld eftir skránni (man veit aldrin hvat kann hendaJ

Nú er føstan skjótt liðug, (hvar er hon farin--?) og vit fara í gongd við dansin aftur. Sum vant verður dansur 2. páskakvøld í Skansastovu, byrjað verður kl. 22. Vit gleða okkum at síggja tykkum aftur:)  Øll eru hjartaliga vælkomin!

Nú leygarkvøldið 15. mars fara vit í Tøkum Lætt og dansifelag Kaggans aftur at møtast til upptøku til songfløguna, sum flest tykkara sikkurt kenna nakað til. Hetta er jú triðju ferð vit hittast til sama endamál, so væntanti røkka vit á mál hesu ferð.Hetta verður eitt ordiliga gott veitslukvøld við døgurða og øllum góðum afturvið – so vónandi møtur ein hópur av songglaðum fólkum upp. Kostnaðurin er 120kr, skal gjaldast á konto 9181 4482370. Og ballið byrjar tíðliga, kl. 18.