SUÐUROYARTÚRUR

Um nóg nógv tekna seg, fara vit útferð til Suðuroynna 12. – 14 september. Vit hava fyribils  leigað alt hotel Øravík, har eru umleið 30 songjapláss. So tit, sum eru áhugað, mugu siga frá skjótast gjørligt. Vit hava gjørt henda túrin fyrr, og gongdin hevur verið, at fyrsta kvøldið, fríggjakvøld, høvdu vit eitt fantastiska gott hugnakvøld á hotellinum. Leygardagin var útferð við bussi, um kvøldið vóru vit á fínari matstovu í Vági, og so í dans í Jómsborg aftaná. Hetta hevur riggað so væl, at ynski hevur verið frá fólki um at endurtaka sama túrin. Vit fara at biðja tykkum siga okkum frá skjótast gjørligt, um tit koma við, tí vit kunnu ikki halda uppá hotellið, um túrurin ikki blívur til nakað. Tit kunnu tekna tykkum her á okkara limasíðu ella ringja/smsa á tlf 214242, 515152, 506252