Komandi sunnukvøld 11/5, kl. 20,00 fara vit í Skansastovu at "repetera" Kjartan Ólavsson, sum Tøkum Lætt skal kvøða á kvæðatúrinum til Íslands.Komið!  Gott í tykkum :)

Sunnukvøldið 27 apríl er okkara síðsta dansikvøld eftir skránni (man veit aldrin hvat kann hendaJ

Nú er føstan skjótt liðug, (hvar er hon farin--?) og vit fara í gongd við dansin aftur. Sum vant verður dansur 2. páskakvøld í Skansastovu, byrjað verður kl. 22. Vit gleða okkum at síggja tykkum aftur:)  Øll eru hjartaliga vælkomin!

Nú leygarkvøldið 15. mars fara vit í Tøkum Lætt og dansifelag Kaggans aftur at møtast til upptøku til songfløguna, sum flest tykkara sikkurt kenna nakað til. Hetta er jú triðju ferð vit hittast til sama endamál, so væntanti røkka vit á mál hesu ferð.Hetta verður eitt ordiliga gott veitslukvøld við døgurða og øllum góðum afturvið – so vónandi møtur ein hópur av songglaðum fólkum upp. Kostnaðurin er 120kr, skal gjaldast á konto 9181 4482370. Og ballið byrjar tíðliga, kl. 18.

 Sunnukvøldið 2 mars verður seinasta dansikvøld okkara áðrenn føstuna. Barnadansurin endaði við einum braki leygardagin, tá landsdansistevnan fyri børnum varð hildin á Giljanesi. Nú skulu vit so venja okkum til eitt meira avslappað lív eina tíð.

Leygardagin 22. februar var barnadansistevnan hildin á Giljanesi, Vága Dansifelag og Sláið Ring skipaðu fyri. Luttakaratalið lá um 400, børn og vaksin. Úr Tøkum Lætt vóru vit uml. 45.Dansað varð frá 10.30 til 11.45, tá summi fóru útferðir og onnur at eta. Vágabørn løgdu fyri, og síðani komu feløgini hvørt eftir annað. Vit kvóðu helvtina av Harra Pætur og Elinborg og Eg átti mær eina húgvu. Seinni kvóðu vit Bjerget og ymiskt annað,Millum tey, ið skipaðu, vóru fleiri ung. Og tað lá sera væl fyri, dansilagið, kvøðingin, rútman og kropsburðurin boðaðu frá góðum.

 Barnadansistevnan verður á Giljanesi leygardagin 22. februar kl. 10.00. Tey børn og vaksin, sum koma við, skulu tekna seg hjá Tøkum Lætt – Anna Jóanesardóttir, tlf. 312278, hetta so vit vita hvussu nógv koma við bussinum og hvussu nógv koyra sjálvi. Eisini fyri at fyrireikararnir skulu vit hvussu nógvir luttakarar verða. Sunnukvøldið 9. februar teknaðu fleiri seg, og møguleiki verður aftur komandi sunnukvøld hin 16, sum eisini verður seinasta dansikvøld í vetur, og tí verður eisini gjørt nakað meira burturúr en vanligt.

Barnadansistevnan verður 22. februar í skúlanum á Giljanesi. Stevnan byrjar klokkan 10.00 og endar kl. 15.00.  Dansað verður í fimleikarhølllini og etið verður í ítróttarhøllini.

Hey tit, vit dansa nú sunnukvøldið tann 2. februar kl. 20, sum vant er barnadansur ein tíma áðrenn, kl. 19. Øll eru hjartaliga vælkomin. Tekningarlistin til Eiðistúrin, sum er leygarkvøldið tann 8. februar,  liggur frammi...