Nevndin

Vit dansa sunnukvøldið 23. februar, og hetta er so næstseinasta dansikvøld áðrenn føstuna. Vit fara at tosa um føstulávints fríggjakvøld á Reinsarínum, og eisini hava vit spennandi tíðindi um sjónvarpsupptøkur.

Í nógv ár hava vit vitja pensionistafelagið í Havn upp undir føstuna. Og í ár verður tað komandi mikukvøld tann 19. februar. Vit fáa drekkamunn frá teimum og syngja nakrir sangir, Páll hevur harmonikuna við. Vit enda við at fara uppá gólvið eina løtu. Pensionistafelagið heldur til í Bridgehúsinum í Gundadali, vit síggjast har kl.

Vit vóru ein deiligan túr á Eiði síðsta vikuskifti, og tað var, sum altíð, ein stór succes:)  Av tí sama var ikki dansað síðsta sunnukvøld.

Góðu tit, vit fara enn einaferð at biðja tykkum senda okkum teldupostadressu tykkara. Tað er ongantíð ordiliga eydnast fyrr, men nú fara vit av álvara at gera nakað við tað, tí tá verður bæði lættari og smidligari at samskifta.

Síðsta sunnukvøld var sera góður dansur, rímiliga nógv fólk møttu bæði í vaksna og barnadansin, hóast ringa veðrið.

Nú nærkast okkara 13. kvølds dansur og fyrireikingarnar eru nógvar. Leygardagin 4. januar kl. 14 møtast vit í Sjónleikarahúsinum, tá hava vit brúk fyri bæði kvinnum og monnum at smyrja breyð og seta borð upp. Um vit eru líka nógv sum onnur ár, so plaga vit at orna alt uppá umleið ein tíma.

Nú hava somikið av fólki hava teknað seg til dansikvøldið í Dali, at vit máttu leiga ein stóran buss. So nú er nokk av plássi í bussinum:), og tit, sum hava hug at koma við, eru vælkomin. Bussurin koyrir frá rennibreytini kl. 18.