Greinar

Ársveitslan hjá Tøkum Lætt verður í kappróðrarneystinum á Argjum leygarkvøldið 19. novembur. Fólk møta kl. 19 og farið verður til borðs kl. 19.30.

Aðalfundur var í Tøkum Lætt 9. oktobur, og tey, sum stóðu fyri vali, vórðu afturvald. Nevndin í Tøkum lætt er sostatt hin sama við Andriasi sum formanni, Randi sum kassameistara og Jónu sum skrivara.

Árligi aðalfundurin hjá Tøkum Lætt verður sunnukvøldið 9. oktober klokkan 20 í Skansastovu. Skráin verður sambært viðtøkum felagsins. 

Á fundinum verður eisini kunnað um ymisk tiltøk, ið ætlandi vera á skránni hjá  felagnum  í vetur. Eftir fundin verður hugnaligt prát afturvið einum drekkamunni, og síðani verður  farið upp á gólv eina løtu.

Tey, sum ætla sær við til landsdansistevnuna í Klaksvík, kunnu fara í dans á Reinsarínum sunnukvøldið 8. mai, har dansað verður saman við eysturoyingum og saman við dansifelag Kaggans. Gøtuskeggjar verða sjálvsagt á skránni, men eisini verður høvi at kvøða onnur kvæði, so hetta kann væl gerast eitt gott dansikvøld.

Dansurin byrjar kl. 20, og heitt verður á fólk um at møta stundisliga, helst áðrenn gestirnir koma.

Matarsteðgur verður við kaffi og køkum og hugnapráti.

Annars eru øll vælkomin í dans.

Kl. 16,30: Dansifeløgini møtast í Vágstúni har vit kvøða 1 ella 2 stuttar vísur, síðani ganga vit niðan í Skálan, Bøgøta 11. Um veðrið ikki er til vildar, møtast vit í Skálanum í staðin fyri.  Skálin er opin frá kl. 16, har vit fáa útflýggja atgongumerkini.   Borðhaldið verður kl. 18 í Badmintonhøllini (liggur beint niðanfyri Skálan).  Aftaná borðhaldið verður farið í Skálan at dansa, har kunnu vit eisini keypa drykkivørur.  Kl. 02,00 verður morgunmatur í Badmintonhøllini.       

Føstulávintsmánakvøld varð dansað á Reinsarínum. Dansurin byrjaði stutt eftir kl. 9 um kvøldið og endaði eitt sindur eftir midnátt. Væl av fólki møtti til dansin, og sigast kann, at hann hepnaðist væl. Úr rúgvuni av kvæðum, ið vórðu kvøðin, kunnu nevnast Regin smiður, Harra Pætur og Elinborg, Sigmunds kvæði yngra, Leivur Øssursson, Ólavur Riddararós, Brestis kvæði, Gudbrands kvæði og onnur.

Aftur í ár skipar Tøkum Lætt fyri trettanda dansi í sjónleikarahúsinum. Dansurin verður leygarkvøldið 10. januar og byrjar kl. 10.

Tá liðið er eitt sindur á náttina verður matur at fáa, har tað ber til at njóta ein  drekkamunn við smurdum breyði afturvið.

Hetta er eitt afturvendandi tiltak, ið vanliga er væl umtókt millum dansifólk. Sum kunnugt, so er 13. kvøld jóla 6. januar, sum í ár er týsdagur. Tær modernaðu tíðirnar gera tað tó næstan ómøguligt at hava dans mitt í vikuni, so tí verður dansurin eitt leygarkvøld.

 poulkletti@hotmail.com    Tøkum Lætt fer nú undir nýggjan dansivetur – eisini við barnadan

Sunnukvøldið 5. oktober var aðalfundur í Tøkum lætt. Fundurin var í Skansastovu, og skráin var sambært lógini.

Tey, sum stóðu fyri vali í teimum ymisku nevndunum, vórðu øll afturvald, so har vóru ongar broytingar.

Tá tey formellu viðurskiftini vóru avgreidd, varð tosað um mangt og hvat.

Rasmus kunnaði um nøkur mál, ið Sláið Ring arbeiðir við.

Hann upplýsti, at útvarpið søknast eftir nýggjum upptøkum av føroyskum dansi, og upptøkum av kvæðum, ið ikki hava verið at hoyrt í útvarpinum áður.