Í samband við barnadansistevnuna, sum ætlandi verður í Jyllandi í summar, verður skipað fyri fundi í Skansastovu leygardagin 20. mars. Fundurin verður klokkan 17.00.

Støðan viðvíkjandi koronasmittuni í Føroyum er góð í løtuni. Tí er ætlanin at dansa hvørt sunnukvøld fram til føstulávint. Dansurin varð avlýstur nøkur sunnukvøld herfyri, so nú er møguleiki at vinna eitt sindur inn aftur av tí, ið tá varð mist.

Dansurin byrjar nú aftur í Tøkum Lætt. Vegna koronusmittuna hevur ikki verðið dansað eina tíð, men sunnukvøldið 24. januar verður bæði barnadansur og dansur fyri vaksin. Barnadansurin byrjar klokkan 18:30, og dansurin fyri vaksin byrjar klokkan 19:30.

Sum støðan er við koronu í løtuni, hava vit valt at avlýsa dansin sunnukvøldið 17 januar. Ætlandi verður dansað aftur 24. januar, men kunnað verður um tað seinni.

Dansurin sum skuldi verða sunnukvøldið 10. januar er avlýstur. Við atliti til koronasmittuna í landinum varð hildið rættast at bíða eitt sindur við at taka dansin uppaftur eftir jóla- og nýggjárssteðgin.

Nú myrkna kvøldini og veturin stendur fyri durum. Á homrum og í fjallalíðum onkran illveðursdag síggjast gívragrýturnar standa á kóki, meðan stormurin dunar í gjáum og bergskorum. Seyðurin leitar sær á bøin, og fólk hittast um kvøldarnar til hugnaligt prát. Trøll og risar eru nú sjónligari í fjøllunum og stevna saman til fundar á vetrarveitslu.

Aðalfundurin í Tøkum Lætt, sum lýstur varð at verða sunnukvøldið 11. oktobur, er útsettur eina viku.