Latið inn hevur Jóna Maria hin Hós, 16/02/2023 - 18:34
Dansurin í Reinsarínum, sum Tøkum lætt skipar fyri leygarkvøldið 18. februar, var fyrr lýstur at byrja kl. 20.
MEN hann er nú broyttur til at byrja kl. 21.
Latið inn hevur Jóna Maria hin Týs, 07/02/2023 - 15:55
Vit eru boðin inn í Hæddina at dansa saman við Eysturoyar dansifelag nú fríggjakvøldið tann 10. februar, dansurin byrjar kl. 21. Hetta er eitt vanligt dansikvøld hjá teimum, har vit í pausuni verða bjóðaði einn drekkamunn saman við teimum.
Latið inn hevur Jóna Maria hin Mán, 30/01/2023 - 11:59
Hey tit, her kemur info um Eiðistúrin, sum dansifelagið á Látrinum skipar fyri. Sum fyrr sagt verður hann nú leygardagin tann 4. februar. Bussur koyrir av rennibreytinin kl. 17.45, stundisliga.
Latið inn hevur Jóna Maria hin Frí, 27/01/2023 - 15:00
Vit dansa sunnukvøldið 29. januar kl. 19.30. Vit fara m.a. at tosa um túrin til Eiðis, sum verður komandi leygarkvøld tann 4.
Latið inn hevur Óli A. Reinert ... hin Frí, 13/01/2023 - 12:46
Vit gleðast um, at trettandakvøldsdansurin, sum Tøkum Lætt skipaði fyri í Sjónleikarahúsinum, eydnaðist so væl. Nógv fólk høvdu leitað sær í dans hetta kvøldið, og gekk dansurin av tí besta.
Latið inn hevur Óli A. Reinert ... hin Sun, 08/01/2023 - 19:43
Leygarkvøldið 7. januar skipaði Tøkum Lætt fyri dansi í Sjónleikarahúsinum. Hetta var í sambandi við, at trettanda kvøld jóla nýliga var farið afturum. Nógv høvdu leitað sær í dans, og komu fólk úr øllum landinum fyri at hugna sær og lýða á tær fornu søgur, ið vórðu bornar fram av kátum dansifólki.
Undir bitunum rungaðu kvæðini, og tað kendist næstan sum vóru vit hjástødd í bardaganum í Dímun, har Brestir og Beinir í hørðum víggi tintu út millum skotilsveinarnar hjá Havgrími, so neistar ruku út bitrum brondum.
Latið inn hevur Óli A. Reinert ... hin Mik, 04/01/2023 - 20:26
FØROYSKUR DANSUR Í SJÓNLEIKARAHÚSINUM
Leygarkvøldið tann 7. januar kl. 21.30 skipar Tøkum lætt fyri vælumtókta 13. kvølds dansinum í Sjónleikarahúsinum. Hetta er eitt tiltak, sum altíð hevur verið sera væl vitjað. Fólk koma alla staðni frá, bæði frá bygd og bý og dansurin hevur gingið stak væl.
Latið inn hevur Jóna Maria hin Mán, 07/11/2022 - 12:14
Hey tit, vit dansa í kvøld kl. 19.30 í Skansastovu. Nú er síðsti møguleiki at tekna seg til hugnakvøldið, sum verður komandi leygarkvøld tann 12. nov. kl. 19. Sum vit skrivaðu í limabrævinum, so bjóðar felagið grýturætt og okkurt gott omaná, allur maturin er ókeypis.
Latið inn hevur toekum_laett hin Mik, 02/11/2022 - 20:23
Tórshavn 25. 10. 2022
Góðu limir
Ársaðalfundur okkara varð hildin í Skansastovu tann 16. oktober og væl av fólki møtti upp til fundin.
Randi og Jóna stóðu fyri vali, men aftaná nógv ár í nevndini valdi Randi at gevast sum kassameistari. Vit fara at takka Randi fyri tað stóra arbeiði, hon hevur gjørt fyri Tøkum lætt í so mong ár. Ólavur Lydersen, sum hevur verið eykalimur í nøkur ár, loysir nú Randi av. Nevndin er nú Andreas, Jóna og Ólavur.
Latið inn hevur Jóna Maria hin Týs, 18/10/2022 - 10:35
Barnadansurin byrjar aftur sunnukvøldi 23.10.2022. Vit dansa frá 18.30 og umleið ein tíma fram.
Síður