Latið inn hevur Óli A. Reinert ... hin Ley, 06/11/2021 - 11:19
Korona ger framvegis nógv um seg, og tí er avgjørt, at eingin dansur verður fyribils í Tøkum Lætt.
Gerst støðan viðvíkjandi koronu betri, so verður ætlandi dansað aftur. Tað verður so kunngjørt tá.
Latið inn hevur Óli A. Reinert ... hin Mik, 27/10/2021 - 12:10
Korona ger aftur um seg, og tí er avgjørt at útseta dansin fyribils í eina viku. Ætlandi verður dansað aftur 7. novembur, um tað tá verður hildið ráðiligt.
Latið inn hevur Óli A. Reinert ... hin Ley, 23/10/2021 - 23:26
Nú korona aftur ger um seg í Føroyum, er barnadansurin sunnukvøldið 24. oktobur avlýstur.
Latið inn hevur toekum_laett hin Hós, 21/10/2021 - 22:45
Tórshavn 11. 10. 2021
Góðu limir
Ársaðalfundur okkara varð hildin í Skansastovu tann 3. oktober og hampiliga nógv fólk møtti upp til fundin.
Andreas stóð fyri vali og var afturvaldur. Nevndin er sostatt tann sama, við Andreasi sum formanni, Randi kassameistara og Jónu skrivara.
Eykanevndin er tann sama sum í fjør, Óli, Ólavur og Einar Martin.
Grannskoðararnir eru eisini teir somu, Roar Olsen og Bjarni Rasmussen.
Umboð okkara í Sláið Ring er Andreas og eyka umboð er Ólavur.
Latið inn hevur Óli A. Reinert ... hin Mik, 20/10/2021 - 14:57
Barnadansurin byrjar nú aftur í Tøkum Lætt. Sunnukvøldið 24. oktobur er fyrsta dansikvøld, og dansurin byrjar klokkan 18:30. Hann varar uml. ein tíma, og í steðginum verður okkurt søtt at leggja á tunguna. Eisini verður søga lisin fyri børnunum.
Latið inn hevur Óli A. Reinert ... hin Týs, 12/10/2021 - 14:28
Av tí, at landsdystur er í kvøld (12. oktubur), er dansurin saman við skúlanæmingum úr Danmark útsettur 1 tíma. Dansurin byrjar klokkan 21:00
Latið inn hevur Óli A. Reinert ... hin Mán, 11/10/2021 - 14:36
Týskvøldið, 12. oktobur, koma skúlanæmingar úr Danmark at dansa saman við Tøkum Lætt. Tey ganga í 9. flokki og verða við lærarum uml. 25 fólk. Øll eru vælkomin í dansin og tey ungu í Tøkum Lætt hava her høvi at hitta onnur ung og kunnu kanska eisini leggja teimum lag á, hvussu dansað verður. Ein matarsteðgur verður, har fólk kunnu hugna sær við práti og einum drekkamunni. Dansurin byrjar klokkan 20:00.
Latið inn hevur Óli A. Reinert ... hin Týs, 05/10/2021 - 19:20
Dansur verður í Kvívík leygaekvøldið 9. oktobur. Tøkum Lætt skipar tí fyri busssambandi til Kvívíkar hetta kvøldið, og bussurin fer frá rennibreytini í Gundadali klokkan 20:50. Øll eru vælkomin.
Latið inn hevur Óli A. Reinert ... hin Mik, 04/08/2021 - 22:56
Enn ber til at tekna seg til Landsdansistevnuna, men tað má gerast skjótt. Tit melda tykkum til við at flyta 300 kr. á kontu 9181 4482370 í betri banka.
Stevnan verður 21. august
Latið inn hevur Óli A. Reinert ... hin Mán, 12/07/2021 - 12:50
lANDSDANSISTEVNAN verður í Havn tann 21-08-2021 í Sjónleikarhúsinum og í Dansifrøði ella Høllini á Nabb
Síður
