Latið inn hevur Óli A. Reinert ... hin Sun, 08/01/2023 - 19:43
Leygarkvøldið 7. januar skipaði Tøkum Lætt fyri dansi í Sjónleikarahúsinum. Hetta var í sambandi við, at trettanda kvøld jóla nýliga var farið afturum. Nógv høvdu leitað sær í dans, og komu fólk úr øllum landinum fyri at hugna sær og lýða á tær fornu søgur, ið vórðu bornar fram av kátum dansifólki.
Undir bitunum rungaðu kvæðini, og tað kendist næstan sum vóru vit hjástødd í bardaganum í Dímun, har Brestir og Beinir í hørðum víggi tintu út millum skotilsveinarnar hjá Havgrími, so neistar ruku út bitrum brondum.
Latið inn hevur Óli A. Reinert ... hin Mik, 04/01/2023 - 20:26
FØROYSKUR DANSUR Í SJÓNLEIKARAHÚSINUM
Leygarkvøldið tann 7. januar kl. 21.30 skipar Tøkum lætt fyri vælumtókta 13. kvølds dansinum í Sjónleikarahúsinum. Hetta er eitt tiltak, sum altíð hevur verið sera væl vitjað. Fólk koma alla staðni frá, bæði frá bygd og bý og dansurin hevur gingið stak væl.
Latið inn hevur Jóna Maria hin Mán, 07/11/2022 - 12:14
Hey tit, vit dansa í kvøld kl. 19.30 í Skansastovu. Nú er síðsti møguleiki at tekna seg til hugnakvøldið, sum verður komandi leygarkvøld tann 12. nov. kl. 19. Sum vit skrivaðu í limabrævinum, so bjóðar felagið grýturætt og okkurt gott omaná, allur maturin er ókeypis.
Latið inn hevur toekum_laett hin Mik, 02/11/2022 - 20:23
Tórshavn 25. 10. 2022
Góðu limir
Ársaðalfundur okkara varð hildin í Skansastovu tann 16. oktober og væl av fólki møtti upp til fundin.
Randi og Jóna stóðu fyri vali, men aftaná nógv ár í nevndini valdi Randi at gevast sum kassameistari. Vit fara at takka Randi fyri tað stóra arbeiði, hon hevur gjørt fyri Tøkum lætt í so mong ár. Ólavur Lydersen, sum hevur verið eykalimur í nøkur ár, loysir nú Randi av. Nevndin er nú Andreas, Jóna og Ólavur.
Latið inn hevur Jóna Maria hin Týs, 18/10/2022 - 10:35
Barnadansurin byrjar aftur sunnukvøldi 23.10.2022. Vit dansa frá 18.30 og umleið ein tíma fram.
Latið inn hevur Jóna Maria hin Mán, 17/10/2022 - 20:29
Felagið Tøkum Lætt bjóðar øllum áhugaðum at vera við.
Latið inn hevur Jóna Maria hin Mán, 17/10/2022 - 13:35
Vit dansa komandi sunnukvøld tann 23. oktober kl. 19,30 og skráin er:
Stríðið á Húnalandi 1 – 33
Sigmundsvísa (Blandt Hedenold)
Bjarnabani
Latið inn hevur Jóna Maria hin Ley, 15/10/2022 - 13:28
Sunnudagin 16. oktober kl. 20 verður aðalfundur í Tøkum lætt. Dansað verður aftaná.
Ætlanin er at kvøða: Tróndar kvæði, Grimmer går på gulvet og De røvere tolv. Annars er orðið frítt:) Lýst verður í næstum við barnadansinum. Øll eru hjartaliga vælkomin.
Latið inn hevur Óli A. Reinert ... hin Sun, 09/10/2022 - 14:41
Í hesum døgum eru mangir av okkara limum burturstaddir. Harumframt eru konfirmatiónir, og rokast verður við fjall og fletting. Tað eru tí so mong, ið ikki kunnu koma í dans í kvøld. Tí er dansurin í kvøld avlýstur.
"Nú er tíð til frið at venda, kasta jarn og stál..."
Latið inn hevur Óli A. Reinert ... hin Mik, 05/10/2022 - 22:19
Dansur verður í Tøkum Lætt sunnukvøldið 9. Oktobur.
Dansurin byrjar klokkan 20:00, og ætlanin er at kvøða "Grimmar går på gulvet", "De røvere tolv" og Tróndar kvæði. Annars er orðið frítt.
Í matarsteðginum verður onkur søtur biti at leggja undir góman.
Aðalfundurin í Tøkum Lætt verður sunnukvøldið 16. oktobur.
"Kavaguva av fjøllum stóð, rok á firði mól..."
Síður
