Submitted by Óli A. Reinert ... on Sun, 09/10/2022 - 14:41
Í hesum døgum eru mangir av okkara limum burturstaddir. Harumframt eru konfirmatiónir, og rokast verður við fjall og fletting. Tað eru tí so mong, ið ikki kunnu koma í dans í kvøld. Tí er dansurin í kvøld avlýstur.
"Nú er tíð til frið at venda, kasta jarn og stál..."
Submitted by Óli A. Reinert ... on Wed, 05/10/2022 - 22:19
Dansur verður í Tøkum Lætt sunnukvøldið 9. Oktobur.
Dansurin byrjar klokkan 20:00, og ætlanin er at kvøða "Grimmar går på gulvet", "De røvere tolv" og Tróndar kvæði. Annars er orðið frítt.
Í matarsteðginum verður onkur søtur biti at leggja undir góman.
Aðalfundurin í Tøkum Lætt verður sunnukvøldið 16. oktobur.
"Kavaguva av fjøllum stóð, rok á firði mól..."
Submitted by Jóna Maria on Fri, 30/09/2022 - 19:48
Í sambandi við dansin koyrir bussur frá rennibreytini klokkan 21.00. Bussurin er ókeypis.
Submitted by Óli A. Reinert ... on Fri, 25/02/2022 - 14:34
Sunnukvøldið 27. februar verður barnadansur í Tøkum Lætt. Hetta er seinasti barnadansurin áðrenn føstuna, og øll eru vælkomin. Tekningarlisti til barnadansistevnuna liggur frammi, so høvi er at tekna seg til stevnuna.
Submitted by Jóna Maria on Wed, 23/02/2022 - 14:13
Nú leygarkvøldið 26. februar verður okkara seinasta dansikvøld áðrenn føstu. Í tí sambandi fara vit at hava eitt hugnakvøld í Skansastovu, tað byrjar kl. 19. Felagið bjóðar turran fisk og spik og eplir og vit fara eisini at smyrja drýl við rullupylsu.
Submitted by Jóna Maria on Wed, 23/02/2022 - 14:10
Vit dansa aftur sunnukvøldið tann 20. februar kl. 20. Hetta er so næstseinasta dansikvøld áðrenn føstu, og nú hava vit eisini dansa nokkso nógv í seinastuni, tað hevur verið ótrúliga gott, at sleppa at dansa aftur! Vit halda fram at venja til upptøku, og so taka vit okkurt av tí, sum manglaði í skránni, t.d. Sambandsfall og Falkarímu. Seinasta dansikvøld áðrenn føstu verður so komandi leygarkvøld tann 26.
Submitted by Jóna Maria on Wed, 16/02/2022 - 12:15
Barnadansur verður í Skansastovu sunnudagin 20. februar kl. 19. Tekningarlistin til landsdansistevnuna fyri børnum, sum verður á Eiði tann 30. apríl, liggur frammi. Øll eru hjartaliga vælkomin:)
TØKUM LÆTT
Submitted by Jóna Maria on Sat, 12/02/2022 - 11:58
Vit dansa aftur sunnukvøldið tann 13. februar kl. 20. Vit halda fram at venja tey somu kvæðin til upptøku, tey eru: Grimmer går på gulvet, De røvere tolv og Sigmunds kvæði eldra 1. og 2. táttur. Ólavur fer at skipa Sigmundsvísu (Blandt Hedenold), og eg ætli at taka Der hersker en konge.
Submitted by Óli A. Reinert ... on Wed, 09/02/2022 - 21:35
Eysturoyar Dansifelag bjóðar Tøkum Lætt við í dans fríggjakvøldið 11. februar. Tey, sum ætla sær við, kunnu siga nevndini í Tøkum Lætt frá. Tað verður so skipað fyri flutningi inn í Eysturoynna og aftur.
Submitted by Óli A. Reinert ... on Sat, 05/02/2022 - 23:21
Dansurin sunnukvøldið 6. februar er avlýstur. Hann er avlýstur, tí tiltakið "Upp á stovugólv" verður í Nólsoy hetta kvøldið. Tað er tí frítt hjá øllum at leita sær til Nólsoyar at stíga dansin.
Pages
