Latið inn hevur Óli A. Reinert ... hin Sun, 14/02/2021 - 14:51
Boðað skal verða frá, at dansurin í kvøld, 14. februar, er avlýstur.
Væntandi verður dansað aftur eftir føstuna, men tað verður kunngjørt tá.
Tøkum Lætt
Latið inn hevur Óli A. Reinert ... hin Frí, 29/01/2021 - 19:48
Støðan viðvíkjandi koronasmittuni í Føroyum er góð í løtuni. Tí er ætlanin at dansa hvørt sunnukvøld fram til føstulávint. Dansurin varð avlýstur nøkur sunnukvøld herfyri, so nú er møguleiki at vinna eitt sindur inn aftur av tí, ið tá varð mist.
Latið inn hevur Óli A. Reinert ... hin Frí, 22/01/2021 - 17:30
Dansurin byrjar nú aftur í Tøkum Lætt. Vegna koronusmittuna hevur ikki verðið dansað eina tíð, men sunnukvøldið 24. januar verður bæði barnadansur og dansur fyri vaksin. Barnadansurin byrjar klokkan 18:30, og dansurin fyri vaksin byrjar klokkan 19:30.
Latið inn hevur Óli A. Reinert ... hin Ley, 16/01/2021 - 14:23
Sum støðan er við koronu í løtuni, hava vit valt at avlýsa dansin sunnukvøldið 17 januar. Ætlandi verður dansað aftur 24. januar, men kunnað verður um tað seinni.
Latið inn hevur Óli A. Reinert ... hin Mik, 06/01/2021 - 11:54
Dansurin sum skuldi verða sunnukvøldið 10. januar er avlýstur. Við atliti til koronasmittuna í landinum varð hildið rættast at bíða eitt sindur við at taka dansin uppaftur eftir jóla- og nýggjárssteðgin.
Latið inn hevur Óli A. Reinert ... hin Frí, 23/10/2020 - 12:14
Nú myrkna kvøldini og veturin stendur fyri durum. Á homrum og í fjallalíðum onkran illveðursdag síggjast gívragrýturnar standa á kóki, meðan stormurin dunar í gjáum og bergskorum. Seyðurin leitar sær á bøin, og fólk hittast um kvøldarnar til hugnaligt prát. Trøll og risar eru nú sjónligari í fjøllunum og stevna saman til fundar á vetrarveitslu.
Latið inn hevur Óli A. Reinert ... hin Hós, 08/10/2020 - 12:04
Aðalfundurin í Tøkum Lætt, sum lýstur varð at verða sunnukvøldið 11. oktobur, er útsettur eina viku.
Latið inn hevur Óli A. Reinert ... hin Mán, 05/10/2020 - 14:56
Aðalfundur verður í Tøkum Lætt sunnukvøldið 11. oktobur klokkan 20.00. Fundurin verður í Skansastovu.
Latið inn hevur Óli A. Reinert ... hin Týs, 07/01/2020 - 14:20
Nú farið er um trettanda kvøld jóla, skipar Tøkum Lætt aftur í ár fyri tí vælumtókta dansinum í S
Latið inn hevur Jóna Maria hin Ley, 04/01/2020 - 22:01
Dansurin byrjar aftur nú sunnukvøldið kl. 19.30
Tann 25.januar verða okkara sjónvarpsupptøkur og í tí sambandi fara vit í pausuni at lesa og venja tey kvæði, sum vit skulu taka upp.Vónandi møta nógv upp, so vit fáa eina góða upptøku. Vit kvøða: Brúsajøkil, Vaagenat og Brókatátt til upptøkuna.
Sjálvandi verður eisini kvøðið tað, sum stendur á skránni til tann 5. januar:)
Síður
